今次東歐四國之旅分別是：捷克（布拉格，古姆洛夫）；斯洛伐克（布拉提斯娜）；匈牙利（布達佩斯）；奧地利（維也納）。第一次跟旅行團出國旅遊，以往都是自駕遊或者自由行。今次旅行選擇跟團原因是第一冇時間計劃行程；第二是四個國家都講唔同語言，唔同文化背景，用唔同貨幣（雖然佢地都接受歐羅）。
Day 1：
- 要去東歐旅行，香港是冇直航，所以一定要轉機。坐巴士去香港機場，到了機場吃晚餐，之後等導遊拿機票check-in入閘。
- 香港飛杜拜要約7小時，到了杜拜機場大概凌晨3點。我們要喺杜拜機場留5小時再飛維亞納，不過杜拜機場商店餐廳都是24小時營業，所以導遊俾了一人一張早餐劵就Shopping行下，唔知道是唔是太累太眼睡，所以行了一陣吃完M記就搵個位，坐下睡下覺的椅等上機。
Day 2：
- 早上8點多就從杜拜坐飛機去維亞納，大約要5小時。到達維亞納約中午時間，第一站行程就是去百水公寓（Hunderwasser Haus）。百水公寓是由奧地利藝術家（Friedensreich Hunderwasser 1928 – 2000)所設計。佢的設計最擅長以建築來表達天馬行空的創作意念，百水公寓就是佢最為著。
- 之後行程就是去搵我喜歡的莫札特紀念像；藝術史博物館（Kunsthistorische Museum）；霍夫堡皇宮（Hofburg Palace）；聖史提芬大教堂（Stephansdom）
- 維亞納市中心，之後喺一間奧地利的傳統餐廳吃奧地利特式餐”吉列豬扒“。晚餐完了就坐旅遊巴回酒店馬上洗澡就躺喺張床好快就昏迷睡入了。
Day 3：
- 一早收到Morning Call起床，收拾行李，去NH HOTEL酒店餐廳嘆了一個好好味的自助式早餐。
- 8點拿住行李去旅遊巴，準備出發今日的行程。第一站美泉宮花園（Schonbrunn Palace Garden）。
- 第二站行程地洞湖（Seegrotte)
- 導遊話奧地利唔錯的中餐館”樂口福“吃午餐。味道都算唔錯，服務態度都ok，菜牌價格都算可以。
- 午飯過後，我們開始去第三站行程Danube Tower，喺塔度可以360°欣賞Vienna景色。
- 離開The Sound of Music City向匈牙利出發，大約車程3小時。第四站行程就到達匈牙利的首都布達佩斯的蓋列特山（Gallert Hill），欣賞布達佩斯的全景已經遠望多瑙河。
- 入住布達佩斯的酒店，放低行李，行過酒店隔離的餐廳，享用匈牙利特式晚餐“牛肉湯”，還有樂隊演奏，味道一般，環境唔錯，氣氛一流（如果喜歡音樂的話，因為全程吃飯時候都有樂隊演奏。）
Day 4：
- 如常一早起床喺酒店餐廳吃早餐，之後往景點出發。第一站行程是漁夫堡（Fisherman Bastion Castle）；
- 第二站行程聖坦特又名“希臘小村”。
- 而第三個行程原本是暢遊多瑙河，可惜水災的問題，河水水位還是好高所以取消呢個行程，轉換成去參觀匈牙利英雄廣場（Hosok Tere）和吃中餐Lunch。
- 就向東歐最細的國家斯洛伐克出發，車程約3小時。到了斯洛伐克已經是下午快5點了，第四個行程就是去斯洛伐克舊城區同時去斯洛伐克的首都布拉提斯娜（Bratislava）。
- 晚餐自助鐵板式中餐和回酒店休息。
Day 5：
- 今日早餐和酒店服務是東歐之旅最差，Check Out離開斯洛伐克呢個小國，往捷克出發，車程約5小時，而到了捷克的古姆洛夫（Cesky Krumlov），同時喺當地就吃午餐，玩了一個下午。
- 位於布拉格市的酒店PANORAMA HOTEL附近的商場自己選擇了一間西餐廳吃晚餐喺成個東歐之旅吃得最好味的一餐又抵吃，兩個扒（主菜）加兩杯啤酒只需要$280港幣，喺香港吃一個扒都唔得。
Day 6：
- 如常酒店早餐，坐旅遊巴出發。
- 第一站行程聖維特主教座堂（St. Vitus Cathedral）和波希米爾皇朝，呢度有文藝復興建築表表者之美譽。
- 中午就到達第二站行程卡羅維法利溫泉區（Karlovy Vary）和吃中餐午餐。Karlovy Vary是電影節或者明星喜歡來旅遊之一的地方，好容易就可以遇見到荷裡活明星如果你好彩又認得出佢哋。成龍，任達華，李連傑等都有喺度出席過電影節和旅遊。
- 就回去布拉格市中心，享用捷克風格的晚餐“雞腿扒”。
- 晚餐吃完就回去酒店休息，但見商場收9點，所以都去行了一行商場，買了D當地啤酒零食回酒店。
Day 7：
- 如常酒店早餐，收拾行李上旅遊巴。
- 早上第一站行程就去查理四世大橋（Charles Bridge），看下公元1357年查理四世宣佈建築一條大橋來取代舊橋。大橋於15世紀初完成，是中歐地最長的橋，而其建築技術都是一項偉大工程。
- 第二站行程就是天文古鐘（Astronomical Clock Tower）和布拉格廣場就市政廳（Old Town Square）。
- 吃完午飯，我們就坐車去機場，到達布拉格機場約3點，之後就各自入閘登機。
Day 8：布拉格飛杜拜約5個半小時，之後喺杜拜要等3小時再入閘登機飛香港約7小時。
文章圖片都是本人原創，如果喜歡可以分享或者轉載，但請寫明來自LisBaby。
喜歡我們的文章嗎？請like和share
